Kakaiba

photo obtained from mydearvalentine.com

photo obtained from mydearvalentine.com

Author’s Note: Distracted ako sa work, kailangan ko muna magblog para di ko maisip ang kaguluhan. Anyway, tungkol sa writing na ito, kailangan kung i-edit yung original para maging anonymous pa rin kasi para ito sa mga dati kong mga kaibigan…

Isang kakaibang katahimikan…
Mga kakaibang sandali…
Mga kakaibang kwentuhan…
Malaking batong nakaharang…
Malamig na ihip ng hangin…
Ayaw ko ng balikan.

Bakit kaya ganoon? Hindi ko talaga lubusan maisip. Di ko rin alam bakit ako naaapektuhan, bakit ako nagtatanong, nanghihinayang marahil…

Apat hanggang mga sampung taon ko kayo kasama sa paaralan. Ang iba nga, labing dalawang taon pa, mula kinder hanggang 4th year. Araw-araw, pati Sabado kung minsan, karamay ko kayo sa pagharap sa ating kinabukasan. Ganyan ang samahan sa eskwela, aral-laro-lakwatsa, tuksuhan-kulitan-tambayan, at bangayan-tawanan-kwentuhan. Pero bakit ng humudyat ang araw ng pagtatapos, para bang natuldukan na rin ang ating samahan?

O kay sarap balikan nang nakaraan, sinong makakalimot ng mga bagay na ito?

  • Nandyan ang mga song books, buksan lang ang mga ito at tiyak kantahan na
  • Mga guro na ating pinagtitripan na may mga samu’t-saring nicknames
  • Mga kodigong naisulat kung saan at ‘pakopya ng sagot’ sa twing kinakapos
  • Mga sayaw, kanta, tula, sabayang bigkas, at dula na pinagpaguran at pinag-isipan
  • Mga Christmas parties at outings na ayaw kong matapos
  • Mga fishball at isaw sa kanto na di naman nagdulot sa atin ng typhoid
  • Lakwatsa sa mall at neoprint na walang katapusan
  • Sports fest na sa totoo ay sumali lang ako para sa uniform at peer pressure pero natuwa at naaliw naman ako kahit papaano
  • JS Proms at Seniors’ Ball
  • CAT na nangawit ang mga paa kakatayo at kakamartsa
  • Student council at class officers na nanindigan
  • Pagsuporta sa mga kaibigang lumahok sa iba’t-ibang paligsahan sa agham at math
  • Mga ligawan dyan at ligawan doon, mga away barkada, mga tampuhan, mga pagdadamayan at maraming pang iba pero higit sa lahat…
  • Mga barkadahan na akala ko’y hanggang sa katapusan…

Madaming nangyari simula ng araw ng pagtatapos. Higit isang dekada na ang nakaraan, tuluyan nang nawasak ng panahon ang pagsasamahang akala ko’y matibay…

Hindi ko alam kung anong nangyari sa loob ng isang dekada. Nagkolehiyo, nagkakansitahan, nagkaasawa, nagkaanak, meron ding pumanaw. Sa mga taong yun, nag-iba iba tayo ng mga hilig, tumahak ng sariling landas, nakipagsapalaran sa mga kanya-kanyang buhay, nagkaroon ng mga bagong barkada. At sa di sinasadyang pagkakataon, tayo’y unti-unti ng nagkalayo.

Hindi naman ako nagmamalinis, alam ko na may kasalanan din naman ako. Inaamin ko rin na lumayo ako. Pero ang pagkakaibigan ay di nakasalalay sa iisang tao lamang, sigurado ako lumayo rin kayo. Mutual feelings kung baga. Di naman ako nagsisisi sa mga nangyari. Ganoon naman talaga ang buhay, lilipas ang mga oras, may mga kaibigang nawawala meron ding nadadagdag. Ang iba naman, alam mo andyan lang.

Napapaisip lang…
Nanghihinayang…

Buti nga ngayon high tech na. Madami ng paraan para sa komunikasyon, may facebook, twitter, chat, email, at text. Nakakalungkot mang isipin ngunit parang hanggang dun na lang din ang lahat. Kasi sa oras na nagkita-kita na ng personal, mararamdaman mong iba na. Hindi na maibabalik pa ang mga panahong lumipas, mga alaala na lamang ng nakaraan. Pero kahit iba na, umaasa pa rin naman ako na kaibigan ko pa rin kayo hanggang sa huli ngunit…

May isang kakaibang katahimikan na hindi ko mawari…
Mga kakaibang sandali na tila nagpapabagal ng takbo ng oras…
Mga kakaibang kwentuhan na ayaw ko ng balikan…
May malaking batong nakaharang na hindi ko mabuwag…
Malamig na ihip ng hangin na alam kong iba na…
Yan ang aking nararamdaman sa tuwing tayo`y nagkikita-kita. Masisi mo ba ako kung tuluyan na kong umiwas?

– isinulat noong July 27, 2011

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s